По 20 евра од човек. Вака шефот на полицијата на граничниот прекин Блаце им зема мито на граѓаните за полесно да го минат граничниот премин.
До вчера се беше во ред и мирно овде на граничниот премин Блаце меѓутоа МВР интензивно работи по објавеното видео за мито.
Веднаш по овој скандал објавен во емисијата Стоп, реагираше МВР свикувајќи ги на распит двајцата службеници Е. Ш. И З. Р. Како што информираат од МВР, двајцата се суспендирани од работа и против нив се поднесени кривични пријави.
„Одделот за внатрешна контрола, криминалистички истраги и професионални стандарди до надлежното обвинителство против полициските службеници Е.Ш. и З.Р. ќе поднесе кривична пријава за сторено кривично дело „примање поткуп“ по член 357 од КЗ на РСМ, а ќе биде покрената и постапка за утврдување на дисциплинска одговорност“, велат од МВР.
До завршување на дисциплинската постапка како што информираат од МВР, полициските службеници се отстранети од работа согласно одредбите од колективниот договор на Министерството. Оваа снимка е обезбедена претходно но е објавена сега по завршување на полициската акција преземена од структурите на СПАК во Албанија и ИПК во Косово апсејќи 26 полицајци за злоупотреба на службената должност. Во Северна Македонија според Кривичниот законик, службено лице кое зема мито добива од 4 до 10 години казна затвор.