Асоцијацијата за цистична фиброза денеска на протест пред Влада

Асоцијацијата за цистична фиброза, денеска ќе одржи протест пред Владата, по повод смртта на Благојче Илиевски, нивен член кој вчера почина чекајќи го лекот Трикафта.

„Не постои поголемо кршење на човековите права од тоа да се дозволи да умираат луѓе од болести за кои има лек!Заради ова, Асоцијацијата за цистична фиброза денеска во 14 ч. пред Влада ќе се збогува со еден од своите најактивни членови Благојче Илијевски, како жртва на системот и кој заради инертноста на системот од надлежните институции и заради тромите бирократски процедури, почина прерано, чекајќи го лекот Трикафта. Со едноминутно молчење, свеќи и цвеќе АЦФ и официјално ќе се збогува со својот соборец, во исто време, кога во Битола ќе бидат погребани неговите посмртни останки“, се вели во соопштението на Асоцијацијата.