Австрија бара од македонската полиција да го провери 19 годишникот кој планирал терористички напад на концерт на Тејлор Свифт

Австриските власти бараат од македонската полиција да го провери 19-годишното момче кое е уапсено откако планирал терористички напад на концертот на познатата пејачка Тејлор Свифт.

Барањето пристигнало до Министерството за внатрешни работи и се однесува за проверка на лице кое е државјанин на Австрија, но има потекло од Македонија.

Од МВР велат дека се постапува по однос на доставеното барање.

Инаку, вчера во Виена беше уапсен 19-годишнииот Мухамед во неговиот дом во градот Терниц во Долна Австрија. При претресот во неговиот дом биле пронајдени хемиски супстанци и технички уреди, кои сега се испитуваат.