Дополнителниот заменик министер за внатрешни работи Митко Бојмацалиев, утрово во интервју за „Слободен печат“ откри детали околу убиството на лекарот Ацо Трпковски.
Бојмацалиев кажа дека според сознанијата, лекарот кој беше најден мртов во неговиот автомобил со убодни рани, не бил убен во автомобилот, туку на друго место, кое дополнително ќе се утврдува.
„За еден месец на територијата на СВР Скопје имаме два немили настани: убиството на лекарот и пукањето во Арачиново. Имаме приведено три лица, но лицата се пуштени на слобода поради немање доволно докази. Според оние сознанија кои ги имаме, лицето не е убиено во автомобилот, туку е донесено и телото оставено во автомобилот. И натаму не е открен мотивот на убиството“, рече Бојмацалиев за Слободен печат.