Четворица загинати и десетици повредени по уривање на зграда на плажа во Мајорка

Четири лица загинаа, а 27 се повредени откако се урна зграда на плажа во Мајорка – а луѓето се уште се заробени внатре. Во зградата имало и ресторан.

Се појавија слики од службите за итни случаи кои ги евакуираат луѓето од зградата, а некои се извадени на носилки додека амбулантните возила чекаат надвор.

Пожарникарите и полицијата биле повикани на местото на настанот веднаш по 20 часот по локално време, пишува Мајорка Дејли Булетин.

Сведоците пријавија дека терасата на врвот на популарен ресторан се урнала.

Снимките објавени на социјалните мрежи наводно покажуваат толпи собрани околу местото на урнатата зграда додека службите за итни случаи минуваат низ остатоците.