Дали почна партизацијата на судството? – Дали може да се гонат политички Ристова и Демири?

Шест месеци од новата Влада предводена од Христијан Мицкоски! Дали се забележуваат првите знаци дека ниту овој состав нема да го остави судството без „свои луѓе“ во него!?

Вчерашниот избор на Данка Ристова како член на Судскиот совет е еден од поновите случаи за која опозициската СДСМ вели дека претставува брутална партизација и окупирање на судството од ВМРО-ДПМНЕ.

Еден друг ваков случај е тој од пред два дена, кога Собранието со 49 гласа за, 4 против и ниту еден воздржан го избра Ардијан Демири за член на Советот на обвинители. Тој се чини близок до ВРЕДИ, бидејќи самиот прв вицепремиер Изет Меџити претходно го претстави на социјалните мрежи како координатор на партијата во Струга и објави фотографија со него.

На прашањето за Демири, Меџити во телевизиско интервју рекол дека тој никогаш не бил носител на важна партиска или владина функција и дека секојпат има дадено поддршка во духот на опозицијата.

За овој случај но и за изјавите на екс претседателката на судскиот совет, Весна Дамева, која кога си поднесе оставка обвини за политички притисоци, во Дејли Клик на ТВ21 го прашавме пратеникот од мнозинството Халил Снопче од коалицијата ВРЕДИ. Тој рече дека ваквите грижи се легитимни и потсети дека ветиле дека ќе бидат поинакви од претходната влада.

„Ова се легитимни грижи, нормално, кога реков претходно – ништо не е поважно од бескомпромисната борба против корупцијата и кога велиме бескомпромисна борба, треба да минимизираме, исчезнувањето на корупцијата можеби е невозможно…“, вели Халил Снопче.

Потсетуваме дека кога ВМРО-ДПМНЕ и ВРЕДИ направија коалиција за заедничко владеење, еден главните постулати беше владеењето на правото.