Делегација од Владата и од кабинетот на претседателот, положија цвеќе на гробот на Гоце Делчев

ПОСЛЕДНИ ВЕСТИ


Делегација на Владата на Република Северна Македонија предводена од министерот за внатрешни работи Оливер Спасовски, заедно со министерката за култура Ирена Стефоска и министерот за финансии Фатмир Бесими, по повод годишнината од смртта на Гоце Делчев, положија свежо цвеќе на неговото вечно почивалиште во црквата „Св. Спас“ во Скопје.

Сеќавањето на годишнината од смртта на Гоце Делчев, како знаменосец на македонската револуционерна борба, е и чествување на вредностите што тој ги застапуваше во борбата за слобода и за македонската државност.

Претходно делегација од кабинетот на претседателот Пендаровски, предводена од генералниот секретар Миле Бошњаковски, положи свежо цвеќе на гробот на Гоце Делчев.