Денеска пресудата за убиството на ракометарот Денис Тот

Денеска во основниот суд Скопје треба да биде објавена пресудата за случајот со убиството на хрватскиот ракометар Денис Тот, кој беше претепан до смрт на 7. април годинава пред ноќен клуб во Градскиот парк.

За убиството обвинети се три лица: Анџело Ѓоргиевски, Клементина Левковска и Андреј Костовски.

Во завршните зборови на последното рочиште, обвинителката Трајчевска побара обвинетите да бидат прогласени за виновни, затоа што низ судскиот процес е докажано дека тие го сториле делото.

Обвинителката истакна дека откако Тот паднал на асфалтот, бил удиран од обвинитетите и дека беспомошно лежел, и тоа зборува дека тројцата обвинети го извршиле делото со умисла, свесни дека можеле да настанат последици.

Одбраната побара ослободителна пресуда, затоа што според бранителите никој од тројцата обвинети не ги задал ударите кои придонеле за смрт на ракометарот. Адвокатот на Левковска кажа дека таа била жртва на малтретирање и навреди од Тот и дека само се бранела од него.