ДУИ: Признавањето на МПЦ – Охридската Архиепископија ја зајакнува регионалната стабилност и ја афирмира меѓуверската толеранција

Демократската Унија за Интеграција ја поздравува одлуката на Вселенската Патријаршија за признавање на Македонската Православна Црква – Охридската Архиепископија во литургиското и канонското општење.

Во оваа прилика им изразуваме искрени честитки на сите православни верници во нашата земја за оваа долгоочекувана одлука, која им дава еднаков статус на верска проповед со сите православни верници во светот.

Од исклучително значење за иднината на државата е што се решава уште еден повеќегодишен спор. Оваа одлука ги зајакнува темелите на стабилноста во регионот и ги афирмира вредностите на меѓуверска почит и толеранција.

Демократската Унија за Интеграција смета дека хоризонтот на помирување меѓу народите е отворен и на овој пат кој цели кон заедничката европска иднина на целиот регион мора да се продолжи со носење на храбри одлуки и да преовладува рационалноста над штетните изолирачки недоразбирања.