Граѓаните денеска излегоа пред Владата од каде се бараат оставки.
Тие протестираат против францускиот предлог.
Инаку, овој предлог беше објавен од страна на Владата денеска на пладне, а претходно премиерот Димитар Ковачевски истакна дека со него се се зачувува македонскиот јазик и идентитет.
„Позицијата во која се наоѓаме е далеку поповолна за нас. Пред нас имаме предлог кој ги инкорпорира нашите забелешки. Ќе дебатираме и во Парламентот, со опозицијата и со севкупната јавноста. Предлогот е солидна основа за градење сериозен, одговорен и државнички став. Сите лажни тврдења во различни форми потонаа, го штитевме македонскиот интерес и идентитет. Во европскиот предлог има позиции за целосно прифаќање на македонскиот јазик, како и протоколот да не биде во преговарачката рамка. Нашата позиција за почнување на преговорите и Првата меѓувладина конференција е инкорпориран во предлогот доставен кај нас“, порача Ковачевски.