ФОТО: Собранието за 53 илјади евра ќе ја реконструира фасадата која беше оштетена при протестите за Францускиот предлог

Собранието на Македонија ќе ја реконструира фасадата која беше оштетена во 2022 година при протестите за време на Францускиот предлог, јавува репортерот на ТВ21.

Истата ќе чини 53 илјади евра, изведувач е компанијата „ОИЛ метал ДООЕЛ“, додека надзор ќе врши МБМ Архитекти ДООЕЛ Скопје.

Реконструкцијата, како што може да се види по фотографиите на ТВ21, веќе е во тек.

„Предмет на овој договор е набавка на градежни работи за поправка на фасадата на зградата на Собрание на Република Северна Македонија. Предметот на набавка ги опфаќа следните работи: Репарација на бетонско подножје на објектот, репарација на фасада обложена со травертин и фасадерски работи на термоизолирана контактна фасада“, се вели во договорот.

Според договорот, предметот на набавка ги опфаќа и: набавката на материјалите, транспортот и монтажа со вградување на материјалите, како и демонтажа на старите делови од фасадата (ролетни и сл.) и транспорт на шутот до депонија.

Времеењето на договорот е една година.