Германските производители на пиво очекуваат зголемување на цената за 30 отсто до крајот на 2022

ПОСЛЕДНИ ВЕСТИ

Цените на пивото во Германија до крајот на годината би можеле да се зголемат за 30 отсто, објави Билд.

– Зголемувањето на трошоците ги надминува сите граници. Вакво нешто досега не сме доживеале, изјави за „Билд“ Холгер Ајхел, генерален директор на Здружението на германски пиварници.

Производителите на пиво во моментов се соочуваат со „огромни ценовни притисоци“, нагласи тој. – Струјата е зголемена за 250 отсто во споредба со минатата година, сладот за 70 отсто, а европалетите за 150 отсто, рече Ајчел. Сето ова доведува до нагло поскапување на омилениот пијалак во Германија. – До крајот на годината, цените на пивото би можеле да пораснат за 30 отсто, изјави Стефан Фрицче, потпретседател на Здружението на пивари во Берлин и Бранденбург.

Здружението на германски пиварници има 1.400 германски пиварници со вкупно 6.000 брендови. Повеќето од нив – 70 проценти- се концентрирани во три сојузни покраини: Баварија, Баден-Виртемберг и Северна Рајна-Вестфалија.