Хаос: Јапонија ги откажа летовите и го запре железничкиот сообраќај поради тајфунот

Јапонските железници и аеродроми ги откажуваат полетувањата и летовите бидејќи тајфунот Ампил се приближува кон земјата, кој се очекува да ја погоди Јапонија во петок.

Тајфунот Ампил се засилува во Пацификот и бележи брзина на ветер од 140 километри на час, покажуваат најновите податоци на Заедничкиот центар за предупредување за тајфуни (JTWC), пренесува Си-Ен-Ен.

Се очекува дополнително да се зајакне во следните 36 часа, а додека да стигне до Јапонија, би можел да добие сила еквивалентна на ураган од трета категорија.

Две големи авиокомпании, Japan Airlines и All Nippon Airways, откажаа вкупно околу 500 летови на аеродромите Ханеда и Нарита, објави јапонската јавна телевизија NHK.

Шест линии на мрежата на брзи возови исто така ја прекинуваат услугата помеѓу одредени дестинации и предупредуваат за големи прекини, вклучувајќи ја и линијата Токаидо што ги поврзува Токио и Осака.

Се очекува дека центарот на тајфунот нема силно да ја погоди Јапонија и само да го напасува брегот, но доколку неговата насока се промени, тоа може да донесе многу поголеми последици, предупредија метеоролозите.

Се очекува тајфунот да ослабе до сабота наутро.