Како се работело во УЈП во изминатите седум години? Петрова: Има сомненија за даночни афери поврзани со затајување на данок

Директорката на УЈП Елена Петрова, денеска на „Дејли Клик“ на ТВ21 кажа како се работело во Управата во последните седум години.

Таа кажа дека имало определени сомненија дека даночни обврзници можеби ги прекршиле нормите.

„Ние постојано на дневна основа детектираме определени ситуации, и наидуваме на определени сомненија дека одредени даночни службеници можеби ги прекршиле нормите за професионално однесување, и предизвикале штета било на даночен обврзник или на УЈП, во наплатата на даноците и во правање на грешки, и тие во континуитет таквите постапки, сомненија ги даваме на постапување на единицата на професионални стандарди и такви постапки имаме отворено повеќе, кои се во тек. Пред истражните органи се во тек посапки против даночни службеници, постојат некакви сомненија дек апостојат сомненија со даночни афери, поврзани со затајување на данок или злоупотреби со поврат на ДДВ, и оставаме истражните органи да ја водат постапката“, рече Петрова.

На прашањето на ТВ21 што се случи со оние вработени на кои им беа раскинати договорите веднаш по стапувањето на функцијата, Петрова рече:

„Во однос на она што се случи во УЈП, поништувањето на незаконските договори, процесот е завршен, поништени се, склучени нови договори, и сега беше најактуелно беше прашањето за враќањето на средства на 129 лица кои имаа повеќе исплатени плати. Таа постапка е во тек, и само би сакала да истакнам дека процесот го водивме во насока товарот да не падне на вработените, туку да ги исцрпиме другите можности , затоа што вработените не се вклучени во таа одлука, таквите решенија биле направени незаконски. Немаме од ДКСК засега повратен одговор за овој случај“, рече Петрова.