Ковачевски: Во ИЕ 6 сите имаат кандидати од минатото, само СДСМ го има Агрон Демири како кандидат за иднината

Димитар Ковачевски на градскиот митинг во Тетово, кажа дека само СДСМ во ИЕ 6 имала кандидат за иднината, додека останатите нуделе кандидати од минатото.

„Ги видов сите листи на пратеници од Изборната единица 6, и видов дека сите имаат кандидати од минатото. Единствен кандидат за иднината е Агрон Демири, нашиот кандидат“, рече Ковачевски.

Ковачевски додаде дека Демири бил најдобар претседател на Студентскиот парламент на тетовскиот Универзитет, и дека така ќе ги застапува сите граѓани на најдобар начин во парламентот.

„Заедно со Слајванка и Адријана од ИЕ6, СДСМ и Коалицијата за европска иднина ќе се гордеат какви пратеници ќе бидат“ рече Ковачевски.