Македонија го одбележува 15 Мај – Денот на македонското знаме

На денешниот ден 15 мај се одбележува Денот на македонското знаме. Иако датумот на е означен како државен празник како што е тоа случај со некои држави, од 2010 година денешниот ден е прогласен за Денот на македонското знаме.

Знамето, химната и грбот се суштествени државни белези на секоја земја, и одбележја со кои се идентификуваат секој народ и држава.

Актуелното македонско државно знаме е усвоено во Собранието, во октомври 1995 година. Идејата за знаме на Македонија се јави неколку години претходно, веднаш по осамостојувањето на државата, кога тогашните парламентарци ја навестија промената на поранешното републичко црвено знаме со петокрака.

По независноста, Македонија имаше првобитна верзија на нашето знаме како црвено знаме со 16 краци и сонцето од Вергина-Кутлеш, но по дипломатскиот притисок на Грција и по потпишувањето на Привремената спогодба со соседот, на 5 октомври 1995 и два дена по атентатот врз тогашниот претседател Киро Глигоров, земјата го доби денешно знаме со шест краци, кое е избрано на јавен конкурс, како предлог на академскиот сликар Костадин Танчев-Динка.

Во моментов, актуелното македонско знаме се вее на јарболите пред ОН во Њујорк и во седиштето во Брисел на најмоќната воена алијанса НАТО.