Муцунски од „Берлинскиот процес“: Ја искажавме фрустрацијата во државата поради билатерализација на процесот на проширување на ЕУ

Министерот за надворешни работи Тимчо Муцунски, присисуствуваше на Самитот на Берлинскиот процес, и од таму даде изјава во која кажа кои се темите на кои било разговарано во процесот.

„Задоволство е да се придружува премиерот Мицкоски на Самитот на Берлинскиот процес. Денеска се заокружува еден процес кој што подолго време трае кој носи повеќе од опипливи резултати не само за нашата држава, туку за целиот регион. Зборувавме за деблокирање на ЦЕФТА, што ќе донесе бенефити за бизнисот и граѓаните. Зборуваме за меѓусебната поврзаност, за енергетиката, за прашања на инфраструктурата, за признавање на дипломи. Се зборува за многу конкретни прашања, кои се значајни за процес на постепена интеграција кон ЕУ, но објективно зборувавме за фрустрицијата во државата и во регионот од билатерализација на процесот. Јасни политички пораки беа упатени, но граѓаните треба да знаат дека од Берлинскиот процес заеднички како регион предводени од Германија но и од другите ЕУ земји ќе има конкретни резултати“, рече Муцунски.