„На зајдисонце“: Мултидисциплинарна манифестација во Трпејца

Здружението „За Трпејца со љубов“ го најавува почетокот на манифестацијата „На зајдисонце“, која обеќава богата програма со акцент на креативноста на младите и промоција на Трпејца во културен и спортски контекст.

Наредните девет дена, публиката ќе ужива во разновидни активности под отворено небо „Кај бунарот“. Програмата вклучува проекција на документарецот „Кино Охридско Езеро“, промоција на монографијата „Трпејца – Трпеза со духовна благодат“ и историски презентации. Предвидени се и драмски претстави, музички настапи, како и креативни работилници.

Неизоставна е и традиционалната Трка со куфери и фото конкурсот. Свеченото отворање е закажано за вечерва со мини-изложба и музички настап. Манифестацијата е под покровителство на Општина Охрид.