Налепници „НМК“ – три минути работа, барање се поднесува само со сообраќајна дозвола

-Се наоѓаме во станица за технички преглед за да го видиме процесот на поставување налепници на табличките со новото име на државата-вели новинарката на ТВ21, Фазиле Халили.

За поставување на налепниците НМК на табличките треба да се пријавите со сообраќајната дозвола.

Бурхан Сали, вработен во технички преглед, за ТВ21 вели дека сега постапката е многу лесна во споредба со таа претходно кога требаше да се пополнуваат формулари за да се направи барање.

-Ја гледаме сообраќајната и гледаме кој е сопственикот, сопственикот на пример е Бурхан Сали и овде го пишуваме како Бурхан Сали.
-Колку време трае процедурата?
-Постапката завршува за 2-3 минути.
Тој додава дека има доволно налепници, притоа посочувајќи дека досега поставиле 161 налепница.

ТВ21: Дали е исполнет бројот на барања од граѓаните?

-Кога се доставуваат на технички преглед секој има основа колку налепници треба да се достават за автомобилите-вели Сали.

Граѓаните добиваат налепници НМК бесплатно. Доколку ги немаат, нема да можат да патуваат во странство.

Промената на регистарските таблички од „МК“ во „НМК“ доаѓа како резултат на промената на името на државата според Преспанскиот договор.