Интерконтиненталната руска ракета кон Украина патувала со брзина 11 пати поголема од брзината од на звукот.
-Еден од најновите руски ракетни системи со среден дострел беше тестиран во борбени услови во овој случај, со балистичка ракета во ненуклеарна хиперсонична боева глава, изјави претседателот на Русија, Владимир Путин.
-Можам да потврдам дека Русија лансираше експериментална балистичка ракета со среден дострел, изјави заменик секретар на Пентагон, Сабрина Синг.
Унгарскиот премиер Виктор Орбан во интервју за државното радио рече дека западот треба сериозно да ги сфати заканите на рускиот лидер.
-Значи, сакам само да кажам дека кога Русите ги менуваат правилата за распоредување на нивниот нуклеарен арсенал, она што се нарекува доктрина, тоа не е комуникациски блеф, тоа не е трик. Тоа ќе има последици, вели премиерот на Унгарија, Виктор Орбан.
НАТО и Украина ќе одржат итни разговори во Брисел следната недела.