„Неказнивоста покажува дека корупцијата се исплати“, вели Ивановска

Билјана Ивановска, претседателката на Антикорупциска комисија, вечерва во „Клик Плус“ на ТВ21 го коментираше напредокот на листата на земји во борбата против корупцијата од две места.

Ивановска изрази жалење што напредокот е минимален, а како една од причините ја наведува неказнивоста.

„Мене ми е жал што е толку минимален напредок, а причините се повеќе пати истакнати и во нашата национална стратегија и на нашите нјавни настапи и нашите седници. Неказнивоста, судството, еден од поголемите ризици во корупција. Неказнивоста покажуива дека корупцијата се исплати, и тоа е лош сигнал. Цело време се кажува дека е важна борбата против корупцијата, но резултатите се мали“, изјави Ивановска.