Покачувањето на минималната плата и нејзиното усогласување во целиот јавен сектор ќе биде еден од главните предизвици на КСС, рече претседателот на КСС, благоја Ралповски на конгресот што се одржа денеска. Се пофали дека се задоволни со тоа што се случувало во последно време бидејќи го активирале синдикатот и докажале дека синдикатот не е мртов, туку напротив повторно е жив и работниците имаат поголема доверба во него.
„Ќе биде предложено и резолуција за почитување на законите и колективните договори затоа што во овој изминат период имавме голем проблем со почитување на законите пред се за законот на минималната плата и закон на работниот односи, резулуција за фер плати, систем на плати, тоа е што го збориме цело време што во јавниот сектор еднаш за секогаш да ставиме печат и еднаш за секогаш да немаме вакви проблеми кои ни се случуваат во сегашноста“, вели Благоја Ралповски претседател на КСС.
Но од друга страна министерот за финансии, Фатмир Бесими синоќа во емисијата Клик Плус на ТВ21 рече дека покачувањето на платите треба да ја следи продуктивноста и дека е потребен вистинскиот момент за тоа.
Екс министерот за финансии, Трајко Славески истакна дека Владата не ја направила потребната пресметка со покачување на минималната плата и дека покачувањето на платите го гледа како предизвик на монетарната фискална политика.
КСС под влијание на притисоци почна протест барајќи покачување на платите во целиот сектор но до сега без никаков резултат.