Нетанјаху: Наскоро ќе му зададеме дополнителни и болни удари на Хамас

Израелскиот премиер Бенјамин Нетанјаху денеска во обраќањето по повод еврејскиот празник Пасха изјави дека наскоро „ќе му зададе дополнителни и болни удари“ на Хамас со цел да го зголеми притисокот врз групата да ги ослободи израелските заложници.

„За жал, Хамас досега ги отфрли сите предлози за ослободување на заложниците“, рече Нетанјаху.

Тој додаде дека отсуството на заложниците за време на претстојниот празник „само ја зајакнува нашата решеност да ги вратиме“, пишува „Тајмс оф Израел“.

„Наместо да се повлече од своите екстремни позиции, Хамас се зајакнува со тоа што не дели и е охрабрен од притисоците насочени кон владата на Израел. Сето ова резултира со заострување на условите за ослободување на заложниците“, истакна Нетанјаху.

Тој најави дека поради ова наскоро „ќе му зададе дополнителни и болни удари“ на Хамас.

„Во наредните денови ќе го зголемиме воениот и дипломатскиот притисок врз Хамас бидејќи само така ќе ги ослободиме нашите заложници“, рече Нетанјаху.