Новата директорка на „Козле“, Катерина Бошковска за ТВ21: Функцијата за мене е огромен предизвик!

Новата директорката на Универзитетска клиника за респираторни заболувања кај децата Козле-Скопје, професорката Катерина Бошковска во изјава за ТВ21 денеска потврди дека нејзината претходничка Каролина Симоновска е разрешена.

Бошковска рече дека веста ја добила вчера, а денеска се очекува да завршат административните процедури во Архивот на оваа институција.

Таа, исто така, ја потврди својата соработка со медиумите и истакна дека се ќе биде транспарентно.

„Оваа функција за мене е огромен предизвик, но се надевам дека јас, не сама секако, со помош на моите колеги, соработници дека ќе успееме да се вратиме во нормала и да го издигнеме рејтингот за здравствена заштита на најмалите пациенти – децата“, вели Бошковска за ТВ21.

Како што вели, во последниот период работите излегле од колосек но има верба и во себе и во нејзиниот тим дека ќе биде се во ред.