За автобусот број 19 или 20 се чека половина час, но не доаѓаат.
Градот Скопје не им платил на приватните превозници за превозот што го вршат и линиите што ги одржуваат, па сообраќајот е прекинат.
Возниот ред на линијата 19 беше објавен на веб-страницата и на таблите на станицата, но автобусите не сообраќаат.
„Се наоѓаме на автобуската станица Карпош 4 од каде автобуската линија со број 19 требаше да помине. Нашата екипа чекаше до 11.55 кога требаше да помине автобусот од оваа линија, но не помина“
„Отидовме на друга станица за да се увериме дека и автобусите не доаѓаат ниту таму, иако на таблата пишуваше дека треба да стигнат за неколку минути.“
„Се наоѓаме на автобуската станица во Бит Пазар. На таблата пишуваше дека за две минути ќе пристигне автобусот со број 19, но досега не е пристигнат“
Милорад Димитриевски, еден од сопствениците на „Макеспрес“ за ТВ21 објасни зошто нема автобуси. Тој рече дека не биле исплатени средства од страна на градот Скопје за претходните месеци. Но, Димитриевски истакна дека овој проблем денеска е решен.
„Денеска имавме средба со претставници на Град Скопје и договоривме отплата на долгот и итно префрлање на некои средства за да можеме да работиме, мислам дека од утре транспортот ќе се нормализира“, Димитриевски.
Реакција пристигна и од СДСМ од каде градоначалничката Данела Арсовска беше наречена неуспешна, а жителите на град Скопје разочарани оти во предизборната кампања им било ветено дека ќе добијат бесплатен превоз.