Општините Гостивар и Битола со хуманитарна помош за семејствата на загинатите и повредените во Кочани

Советот на Општина Гостивар денеска на вонредна седница едногласно ја изгласа предлогот одлуката на градоначалникот Ваљбон Лимани.

Според одлуката, општината издвојува еден милион денари како хуманитарна помош наменета за семејствата на загинатите и повредените во трагичниот настан во Кочани.

„Болката по трагедијата во Кочани е голема. На ваков начин ќе изразиме еден чин на солидарност и ќе испратиме дека овие семејства не се сами. Тагата кога е споделена е помала. Посакувам никогаш повеќе да нема вакви трагедии во државата. Сегам како никогаш досега ни е потребно да бидеме заедно и сплотени“, рече Лимани во обраќањето пред советниците.

Слична одлука донесе и Советот на општина Битола.

И тие на вонредна седница донесоа одлука од локалниот буџет да се издвојат два милиони денари..

„Битола сочувствува со болката на семејствата на починатите. Нашиот град секогаш е солидарен и затоа во оваа прилика се издвојуваат еден милион денари како финансиска помош и за повредените исто така еден милиони за повредените“, посочи Габриела Илиевска, претседателка на Совет на Општина Битола.