Оштетени и со дупки, а на некои места и закрпени.
Вака изгледаат патиштата што ве носат на едно од најфреквентните туристички места, Кањонот Матка, само 15 километри оддалечен од центарот на Скопје.
Иако туристичката сезона во Кањонот Матка започна се уште неколку делови од патот остануваат да бидат несредени.
И граѓаните што ги сретнавме велат дека е срамота ова толку убаво место да биде оставено во ваква состојба.
„Јас мислам дека иако немавме можност да се качиме до горе, а со сигурност ќе одиме подоцна, ќе можеме да пешачиме без проблем иако на неколку места има дупки. Ќе беше добро доколку имаше подобар пристап за туристите што доаѓаат на Матка, но како што гледам моментално е добро само за одење пеш“, вели граѓанин.
Прашавме во општина Сарај кога ќе се реконструираат овие патишта, но оттаму без одговор.
Инаку, Кањонот Матка е зона заштитена со закон, но покрај недостигот на инфраструктура и паркинг места на местото околу езерото има и повеќе дивоградби.