Остатоците од потонатата индонезиска подморница „Нангала“ се пронајдени на морското дно кај Бали, а нејзините 53 членови на екипажот се мртви, пренесоа светските агенции, повикувајќи се на соопштение на индонезиските вооружени сили.
Индонезија вчера ја прогласи подморницата за потоната, но досега немаше потврда дека членовите на екипажот загинале. Сепак, се веруваше дека кислородот во подморницата завршил најдоцна вчера наутро.
Подморницата е распарчена на најмалку три дела и е на длабочина од 838 метри, соопшти командантот на индонезиската морнарица Јудо Маргоно. Тој ја отфрли можноста несреќата да е резултат на човечка грешка.
Причините за потонувањето на „Нангала“ остануваат нејасни.
SUNKEN INDONESIA SUBMARINE: Underwater images from Singapore’s submarine rescue vessel, the MV Swift Rescue, show wreckage from the sunken KRI Nanggala-402. Rescuers found the submarine broken into at least 3 parts in the Bali Sea. pic.twitter.com/cTIGaXlhnb
— Ericssen (@EricssenWen) April 25, 2021