Предлог-извештај од ЕК за Македонија: Треба интензивирање на темпото на реформи и комплетирање на уставните измени

Главните пораки содржани во Предлог-извештајот за напредокот на земјава на патот кон ЕУ се дека Македонија мора да ја зајакне довербата во правосудниот систем, да го интензивира темпото на реформите поврзани со ЕУ и да ја исполни обврската за уставните измени.

Покрај усвојувањето на исмените во Уставот, се наведува потребата од спроведување на договорите со Бугарија и со Грција, односно за добрососедтво и Договорот од Преспа.

– Северна Македонија треба да продолжи со спроведувањето на реформите поврзани со зачленувањето во ЕУ, пред се оние од Кластерот „Основни вредности“, како судските реформи, борбата против корупцијата и организираниот криминал, се вели во Предлог-извештајот.

 – Комисијата со нетрпение очекува брзо и решително следење на скрининг извештајот за Кластерот „Основни вредности“, вклучително и во однос на патоказите на земјата во согласност со Преговарачката рамка, со цел да се отвори првиот кластер што е можно поскоро, кога ќе се исполнат релевантните услови, се наведува во Предлог-извештајот на ЕК за земјава.