Претседателот Пендаровски посети туторијален центар во Чаир, со дечињата разговараа за нивните омилени но и за предметите кои ги изучуваат со помалку љубов

Претседателот Стево Пендаровски денеска го посети туторијалниот центар на канадската Фондација Little Bits of Good.

„Денеска во туторијалниот центар на канадската Фондација Little Bits of Good, во Чаир присуствував на настава по математика и ликовно. А дел од дечињата од основните училишта од Чаир коишто следат настава на албански јазик, ги пишуваа своите домашни задачи. Разговаравме за нивните омилени и за предметите кои ги изучуваат со помалку љубов. Не изостанаа и прашањата поттикнати од нивната љубопитност – на пример за кој фудбалски тим навивам. Целта на програмата која се имплементира во центрите на фондацијата во Чаир, Гази Баба, Бутел 2 и во Визбегово е да го подобри квалитетот на животот на сиромашните семејства и самохраните мајки“, вели Пендаровски.