Започна најавениот мирен протест пред Владата по откривањето на скандалот на Клиниката за онкологија. Граѓаните се организираа преку социјалните мрежи, и излегоа да го искажат својот револт откако минатата недела полицијата влезе на онкологија, поради сомневања дека на пациенти им се давала погрешна терапија, а на сметка на тоа терапии наводно се продавале на црниот пазар.
Претседателот Пендаровски и премиерот Ковачевски денеска кажаа дека го разбираат револтот на граѓаните и побараа од надлежните брза и ефикасна истрага.
