Само 3 пратеници гласаа „за“ – не помина интерпелацијата за Меџити

Вечерва во Собранието се гласаше за интерпелацијата на првиот заменик претседател на Владата и министер за животна средина и просторно планирање Изет Меџити.

Сепак, оваа интерпелација падна бидејќи за гласаа само 3 пратеници, додека 64 беа против.

Интерпелацијата беше поднесена од коалицијата „Европски фронт“.

Интерпелацијата ја образложи Блерим Беџети, истакнувајќи дека „Европски фронт“ од првиот вицепремиер и министер бара политичка одговорност и оставка поради неговата неспособност да управува со ситуации кои придонеле за влошување на меѓуетничките односи. Беџети како причини за интерпелацијата ги наведе случајот од 28 ноември со палењето на државното знаме, Балансерот, одлуките на Владата за бришење на дијаспората и Законот за јазиците.