Селими и Небиу во Дејли Клик – за укинувањето на „етничката припадност“ од Уставен суд

Одлуката на Уставен суд за укинување на декларирањето на етничката припадност при вработување  претставува дискриминација бидејќи никој не може да го негира правото  за декларирање на етничката припадност, рече аналитичарот Сефер Селими, во дебатната емисија Дејли Клик. Дури според него одлуката на Уставен го надминува вработувањето бидејќи, како што истакна, Албанците и кога биле 0.2% во јавните институции, преживеале во оваа држава.

„Меѓутоа, не можете да ги спречите Албанците да се претставуваат како Албанци пред институциите, бидејќи на крајот на краиштата, се што беше направено системски и систематски, дискриминаторски беше направено поради етничка припадност. И дојдовме до конфликт во 2001 година, кој гарантира колективни права, дека јас како Албанец не се чувствувам инфериорен во однос на колега Македонец или Турчин, Ром, излегуваме и конкурираме заедно. Но, ако тргнам од премисата дека некој ќе има кон мене предрасуди и ќе ме спречи од почеток затоа што сум Албанец, тогаш морам да ставам заштитни механизми. Не велам дека сум најдобар за работата што ја работам, но никој не може да ми каже дека сум полош од некој само затоа што тој е Македонец, а јас Албанец“, вели Сефер Селими.

Во врска со ова, неговиот соговорник, аналитичарот Бесим Небиу, истакна дека кредибилитетот на граѓаните во судовите во земјава е само 2%. Потоа, Небиу ја коментираше и изјавата на премиерот Мицкоски кој рече дека не треба да се коментираат одлуките на Уставниот суд, но вели дека одлуките на Судот не се коментираат во оние земји каде народот верува во Судот. .

„Судот во Македонија има само 2% доверба. Во такви услови многу е природно да се коментира и да се стави на политички план, иако тие судии се избрани во Собранието од пратениците. Добар дел од нив имаат и политички багаж, и сегашните и претходните судии, некои се сега пратеници, некои што беа политичари сега се уставни судии. Гледам премиерот вели дека не се коментираат. Се коментираат. Тие не се коментираат во оние земји каде што народот верува во судовите, а судовите не се создадени за парцијални политички интереси. Онаму каде што има вакава катастрофална ситуација, не само што треба да ги критикуваме, бидејќи ако не ги критикуваме, не ја анализираме суштината на проблемот“, вели Бесим Небиу.

Во дебатата се зборуваше и за други прашања поврзани со актуелната власт, за кои Селими рече дека владејачкиот партнер ВРЕДИ во оваа извршна власт е небитен, немоќен и ненадлежен да одлучува за крупните државни политики. Од друга страна, Небиу рече дека 130 дена Влада не е доволно време за анализрање на резултатите, но додаде дека има тенденција и најави за проекти за доброто на граѓаните.