Серија пожари успешно изгаснати во повеќе општини низ Македонија

Во последните 24 часа, противпожарните единици имале зафатен ден со пет различни интервенции за гаснење пожари на отворено, во различни општини низ земјата. Најпрво, во општина Долнени била забележана активност на пожар во областа помеѓу селата Лажани и Кошино, каде што горела ниска вегетација и нискостеблеста шума.

Во Босилово, во селото Старо Балдовци, интервенирано е на гаснење на пожар во грмушки.

Понатаму, во Ново Село, близу локалитетот „Хаџиица“, била зафатена млада букова и јасикова шума, ниска вегетација и папрат.

Во Куманово, кај „Љикшичка“, евидентиран е пожар на купишта ѓубре, додека во општина Велес, во близина на резервоарот за вода на ЈП „Дервен“ кај „Поток“, исто така бил пожар на ниска вегетација.

Сите пожари се успешно изгаснати без поголеми последици.