Славески: Нотарски лиценци се продавале за 100.000 евра

Професорот и екс министер за финансии Трајко Славески, обвинува дека некои нотари си ја имаат купено лиценцата и за стотици илијади евра.

„Со неверување ја примив веста, лиферувана веднаш по завршувањето на парламентарните избори, дека со потпис на поранешниот министер за правда, господинот Кренер Лога, тогаш во заминување, била објавена одлука за десеткратно зголемување на цените на нотарските услуги во Македонија.

Некако истовремено, до мене допре информацијата дека лиценците за нотар, преку посредници, биле продавани за суми кои достигнуваат стотина илјади евра!

Бог знае каде завршувале тие „црни“ пари, но секој мирјанин може да го посочи одговорот на ова прашање.“, пишува Славески.

Тој даде предлог како да се реши овој проблем.

„Мојот предлог е следен: цените на нотарските услуги се намалуваат за најмалку 50% со важност до крајот на годината. Се носи законски пропис со кој се амнестираат сите нотари кои ќе потврдат дека лиценцата ја купиле на „црно“ и ќе посочат кому ги дале парите. Креаторите на оваа срамна корупциска шема се изведуваат пред суд. Од средствата прибрани со конфискација на нивниот имот, се обесштетуваат нотарите кои помогнале за откривање на корупцијата во случајот со издавање нотарски лиценци“, е ставот на Славески.