Дојдоа со оптимизам дека ќе биде постигнат некаков вид напредок во преговорите со Министерството за образование, но излегоа беа конкретен договор. Не дадоа ниту изјава, со цел, како што рекоа, преговарачкиот процес да заврши што поуспешно.
Како што информираа од СОНК, следната средба се очекува да се одржи в петок, а дотогаш МОН заедно со Министерството за финансии ќе ги направат потребните пресметки во врска со покачувањето на платите на наставниците.
Што се однесува до учебната година, претседателот на СОНК, Јаким Неделков не гледа причина таа да не заврши на 10 јуни, но истакна дека Бирото за развој на образование ќе оцени колку наставни часа им фалат на наставниците и за тоа да се направи програма која ќе се реализира до 10 јуни, со што учебната година би завршила согласно законот.
„Тема во јавноста беше и кратењето на платата, односно недобивањето дневница за наставниците кои штрајкуваа, но за тоа МОН не презеде одговорност“, рече Неделков.
„СОНК постојано истакнуваше дека доколку до 8 мај, во првите 10 дена од одложувањето на штрајкот, нема договор, ќе се продолжи уште за 10 дена и доколку сето тоа не вроди со плод, штрајкот во училиштата и градинките ќе се реактивира. Синдикатот бара покачување на платите за 18,4% и скалесто усогласување со покачувањето на минималната плата. Владата понуди 12% и К-15 од следната година“, рече Зенафер Бајмак Грозданов од СОНК.