Состанок на тимот за интервенции во кризи на Комората на психолози со пожарникарите во Кочани кои учествувале во гасење на пожарот

Тимот за интервенции во кризи на Комората на психолози денеска на состанок со пожарникарите кои учествувале во гасење и спасување на децата во страшната несреќа во Кочани.

Како што велат, ангажирани се 32 психолози за активности поврзани со последиците од пожарот во дискотеката на Кочани. 

Тимот за кризни интервенции во соработка со Центарот за ментално здравје при ЦК, од раните утрински часови на 16 март беа присутни на пунктовите пред болниците 8ми септември, Ургентен центар, Градска болница каде што беа присутни голем број на семејства чии деца беа донесени на лекување. Ангажирани беа 12 психолози во три смени, кои даваа прва психолошка помош.

Вчера, на денот на погребот ангажирани биле 15 психолози да присуствуваат на сите закопи во Кочани, околните села, Штип, Струмица, Скопје- ППП на семејствата кои беа дојдени на закопот, а има секојдневна работа со семејствата кои изгубиле деца во катастрофалниот пожар.

Во училиштата и факултетите, исто така, организирана е обука за ППП на 100 психолози. За таа цел, како што информираат од Комората на психолози, создаден е протокол за работа во кризни ситуации и потребни формулари.