Вчера на сила стапија законските измени во Србија со кои се зголемуваат надоместоците за новороденчиња.
Така надоместокот за прво дете кое Србија ќе го дава е 4200 евра, второ 5200 евра, а за трето износот ќе биде 19.200 евра. За четврто дете Србија ќе дава износ од 27.000 евра.
Иако законот стапи на сила вчера, сепак тој ќе важи ретроактивно за сите жени кои се породиле од почетокот на 2024 година.
Исплатата па ќе се врши по службена должност, што значи дека родителите нема да губат време за прибирање на документација и поднесување на истата, туку едноставно парите ќе им стигнат на сметка.
И во Македонија постои надоместок за новороденче и тоа за прво и второ родено дете. За прво дете е 5.000 денари, а за второ 20.000 денари.