Струјата е исклучена не користете вода, апел од општината по пожарот кој зафати три куќи во Ново село

Три куќи горат во општина Ново село, откако пожарот започнал од во плевна. Општината објави итен апел до граѓаните да не користат вода, бидејќи исклучена е струјата.

„ВЕ ЗАМОЛУВАМЕ ВО МОМЕНТОВ ДА НЕ ЈА КОРИСТЕТЕ ВОДАТА ПОРАДИ НАСТАНАТ ПОЖАР (бидејќи струјата е исклучена). ВЕ ЗАМОЛУВАМЕ ВО МОМЕНТОВ ДА НЕ ЈА КОРИСТЕТЕ ВОДАТА ПОРАДИ НАСТАНАТ ПОЖАР (бидејќи струјата е исклучена)“, се вели во итниот апел од Општина Ново Село.

Силен пожар попладнево изби во плевна на куќа во општина Ново Село кој потоа брзо се проширил на соседните три куќи. Огнот се шири многу бргу а во близина има бензинска пумпа. Триесетина струмички пожарникари се обидуваат да ја изгаснат огнената стихија но во дворовите на куќите има многу горлив материјал поради што гаснењето е отежнато.

Кон пожарот се упатени и еден полициски и еден армиски хеликоптер. Полицискиот започнува со дејство а армискиот во секој момент ќе биде таму.

Горат куќи од левата страна на главниот пат низ Ново Село од насока на Струмица.