Судот во Kочани ги прифати сите барања на Обвинителството за определување на притвор

Основниот суд во Кочани ги прифати сите барања од страна на Обвинителството за определување на притвор за лицата осомничени за страшниот пожар во дискотеката „Пулс“ во Кочани.

Според информациите, 30 дневен притвор им е определен на 24 лица од 27 осомничени, бидејќи тројца се во болница.

Меѓу оние на кои им е определен притвор се и градоначалниците на Кочани, Љупчо Папазов, Николчо Илијев и Ратко Димитровски.

Претходно, ваков притвор од 30 дена им е продолжен и на екс министерот Крешник Бектеши, но и Беким Хаџиу и другите лица кои биле на раководни позиции.

Обвинителството вчера отвори официјална истрага за трагедијата посочувајќи дека до неа довеле верижни пропусти и незаконити дејствија на одговорните и службените лица.