Одбележан Светскиот ден на слободната на медиумите. Северна Македонија е рангираната на 57-то место на листата од 180 земји според Индексот за слобода на медиуми на „Репортери без граници“, што е напредок од 33 позиции во однос на лани кога го зазема 90 место. Безбедноста на медиумските работници беше едно од барањата што новинарите го упатија до Претседателот, Стево Пендаровски, кој пак, ги повика институциите кривично да ги гонат случаите на напади и закани врз медиумските работници.
Претседателот на Здружението на новинари на Македонија, Младен Чадиковски, рече дека ограничената слобода на медиумите, ја ограничува и слободата на оние за кои работат – граѓаните. Првиот човек на ЗНМ вели дека е време за суштински промени кои гарантираат слобода и безбедност на работниците на работно место.
Инаку, овој ден е важен потсетник за одговорност и транспарентност на медиумите, како и креирање амбиент во кој медиумите ќе ја вршат својата работа согласно професионалните принципи на новинарството, ослободени од политички и економски притисоци.
А, денеска кај Претседателот беше организирана и изложба во знак на благодарност за сите медиумски работници, а од персоналот на ТВ21 беа избрани снимателката Андријана Јовановска и модераторката Ивана Рамаданова.