Таравари со реакција: Не постои печат што ќе ја спречи промената

ПОСЛЕДНИ ВЕСТИ

Арбен Таравари од Алијанса за Албанците се јави со реакција по објавта на крилото на Зијадин Села за одлуката на Судот дека Села е легитимен претседател на Алијанса за Албанците.

Таравари вели ако е вистина одлуката, ќе се жали, но не постои печат, како што кажува тој, што ќе ја спречи промената.

„Велат дека добиле печати од Алијанса за Албанците да ги дадат на ДУИ. Ако е вистина, ќе се жалиме, ама и да ги добијат со заробениот систем што го имаат во рака, имам прашање… што е со народот?! Без вера, со ниту еден суд не може да го освоите народот! Промената започна и нема печат што ја спречува“, напиша Таравари на Фејсбук.