Тимот за санкции од САД дојде во Македонија за да истражува корупција кај функционери

ПОСЛЕДНИ ВЕСТИ

Во Македонија пристигна тим за санкции од САД за да врши увид во поранешните и сегашните функционери за корупција, по што ќе следува и одговор. Ова го напиша амбасадорката на САД, Анџела Агелер.

„Тимот за санкции од Вашингтон е тука поради поагресивен поглед на минатите и сегашните корумпирани актери и да ги разгледа сите можни одговори. На правосудниот сектор во Северна Македонија му требаат повеќе истраги и гонење за да се покаже дека никој не е над законот“, напиша Агелер на Твитер.

Заменик-помошникот на државниот секретар на САД, Габриел Ескобар пред неколку дена изјави дека американските санкции за корумпираните политичари на Балканот имаат ефект, и дека САД ќе продолжат со санкциите.

На 11 април годинава, Стејт департментот и американското министерство за финансии ги санкционираа експремиерот Никола Груевски и ексдиректорот на УБК Сашо Мијалков како одговор на нивното учество во значајна корупција.