УЈП воведува систем Е-фактура – Петрова: Ќе се овозможи полесно детектирање на неправилности

Елена Петрова, директорка на УЈП во „Дејли Клик“ на ТВ21 откри дека во тек е воведување на системот Е-фактура, која ќе треба да ја искорени сивата економија, односно користење на готовина, непријавување на данок или непријавување на промет.

„Една од главните алатки за намалување на сивата економија, е воведување на системот е-фактура, и следните денови ќе биде објавена постапката. Е-фактура ќе овозможи издавањето на фактурата од продавачот до купувачот да оди преку системот на УЈП. Тоа ќе овозможи позасилен надзор на целокупниот промет на добра и услуги, и ќе се овозможи полесно детектирање на неправилностите, непријавување на промет, што води и кон непријавување на даночна обврска“, рече Петрова.