И денеска административците два часа не беа на своите работни места. Ова е втор ден од предупредувачкиот протест на државната администрација со барање за покачување и усогласување на платите со минималецот. Претседателот на Синдокатот на УПОЗ, Трпе Дејаноски рече дека нивните барања се јасни и дека до сега нема покана од Владата за средба. Според него, изјавите од владата дека со покачувањето на платите ќе се покачи инфлацијата, не се точни бидејќи инфлацијата веќе е почната.
Дејаноски оцени дека излезеноста на протестот била задоволителна и покрај притисоците во текот на вчерашниот ден. Претседателот на ССМ, Дарко Димовски рече дека денеска се разбудивме со минимална синдикална потрошувачка кошничка поскапа за 920 денари, која, како што реле тој, во моментов изнесува 36.687 денари а во јануари беше 35.811 денари.
Инаку според Изабела Илиева, претседателка на Синдикалната организација на Јавното обвинителство, не се бара покачување на платите туку усогласување со минималната плата која изнесува 18 илјади денари. Според неа, доколку нема измена, тоа ќе значи дека ќе се изедначат приходите на сите вработени, од хигиеничар до менаџер, што е погрешно.
НАЈНОВИ ВЕСТИ
