Вучиќ: Им благодарaм на Северна Македонија за одлуката за Сребреница, веројатно сме заслужиле за сè што направивме за нив

Претседателот на Србија, Александар Вучиќ ја коментираше одлуката на Македонија да биде еден од коспонзорите на резолуцијата за прогласување на 11 јули како Меѓународен ден на сеќавање на геноцидот во Сребреница.

Вучиќ изјави дека предлог-резолуцијата за Сребреница, за која ќе се изјаснува Генералното собрание на Обединетите нации, е идеја на Германија која ја поддржале најмоќните членки на НАТО, вклучувајќи ги и САД.

„Сосема е сеедно на чие раководство е таа одлука, станува збор за Северна Македонија, им благодариме на тоа, веројатно сме заслужиле со сè што направивме за пријателството со Северна Македонија“, кажа Вучиќ.