Вучиќ: Синоќа имавме политички протест, непријавен во полиција, нанесена е голема материјална штета на Србија

Александар Вучиќ, претседателот на Србија, на прес-конференција го коментираше вчерашниот протест во Белград, каде што неколку илјади лица излегоа низ улиците после најавата дека ќе се врати полицискиот час.

„Тоа вчера беше агресивен политички протест, против сите правни акти, не бил пријавен во полиција. Тие го нападнаа Собранието, влегоа во него, што претстува две кривични дела, буртално нападнати полициските сили, ги навредувале, ги каменувале. Полицијата трпеше неверојатен притисок, и одговори тек кога лицата направија инцидент во Парламентот кога ја искршија влезната врата“, рече Вучиќ кој најави санкции за организаторите, и за сите оние кои направиле кривично дело.

„Нанесена е голема материјална штета на Србија“, рече Вучиќ кој напомена дека протестот нема врска со коронавирусот, и ги повика луѓето да не излегуваат на протести.