За попладнево најавени нови протести во Белград, Вучиќ се обраќа во 15 часот

После вчерашните шротести во Белград по повод најавениот полициски час од страна на претседателот Александар Вучиќ, за денеска демонстрантите најавуваат нови собири низ улиците на Белград, односно пред зградата на Собранието.

Десетина илјади луѓе вчера протестираа поради најавените нови рестриктивни мерки за спречување на коронавирусот. Граѓаните се револтирани бидејќи властите ги укинаа мерките само да се одржат изборите, а сега кога поминаа одново да има нови мерки.

Беа повредени околу 70 лица, меѓу кои и 43 полицајци. Полицијата мораше да употребува и солзавец да ги растера демонстрантите кои упаднаа и во Собранието.

Претседателот Александар Вучиќ ќе се обрати пред медиумите во 15 часот, каде што ќе ги осуди вчерашните нереди, и ќе порача да не се собираат повторно.