Departamenti për Arsim i Aleancës për Ardhmërinë e Kosovës nuk pret rezultate të mira të testit të maturës as për këtë vit, pasi që sipas tyre, edhe sistemi arsimorë i Kosovës çdo ditë e më shumë po degradohet.
Kështu bën të ditur në një konferencë të mbajtur për media nga ana e këtij departamenti me temë rreth dështimeve qeveritare në fushën e arsimit, keqpërdorimeve të bëra dhe sfidave të shumta, të cilat nuk janë tejkaluar në këtë fushë nga Qeveria e Kosovës.
Kryesuesi i departamentit të arsimit, Jonuz Salihaj, theksoi se të gjithë qytetarët dhe institucionet e Kosovës janë të vetëdijshëm që degradimi është duke vazhduar çdo ditë e më shumë.
E Deputetja e Kosovës nga radhët e Aleancës për Ardhmërinë e Kosovës,Teuta Haxhiu, tha se vlerësimi i jashtëm siç është testi i maturës po vazhdon të mos tregoj rezultate edhe sot e kësaj dite. Sipas saj, duhet ndëshkuar sa më shumë kandidatë e inspektorë.
Sipas tyre, AAK po angazhohet për t’iu siguruar mësimdhënësve statusin profesional, status ky i cili është i domosdoshëm për të realizuar synimin për një shoqëri të arsimuar, pa diskriminim dhe jotolerancë.
"S’do të ketë rezultate të mira nga testi i maturës" (Video)
НАЈНОВИ ВЕСТИ
