Ова се условите во кои казната ја одлежуваат затворениците во Идризово кои спијат по ходниците. А во една од собите со површина од 14м2 се сместени по 15 осуденици, од кои 6 спиеле на душеци на подот, додека останатите спиеле на кревети на 4 ката. Ова при посетите го констатира народниот правобранител, кој додава дека условите во казнено-поправните установи во земјава се загрижувачки и нехумани. Насер Зибери вели дека пренатрупаноста на затворите создава висок ризик од насилство меѓу затворениците и проблемот за кој со години не се наоѓа решение, обезбедување навремена здравствена заштита за нив. Луѓето лишени од слобода во оваа институција се жалат и на корупција, за која не сакаат јавно да зборуваат, рече Зибери.
„Сериозно вознемирувачка состојба е констатирана и во таканареченото крило четворка, каде на денот на посетата биле сместени 124 осуденици, од кои 36 спиеле во ходникот и на душеците. Разбирливо е дека овие луѓе користат колективни хигиенски простори, каде што 30 лица користат една бања, еден тоалет. Во еден од деловите на сместувањето откривме дека двајца затвореници спијат во еден кревет или на смени, едниот на под, другиот на кревет или двајца во еден кревет“, вели Насер Зибери.
Ниту во психијатриските болници состојбата не е подобра. Така, во „Демир Хисар“, при ненајавената посета на Народниот правобранител, во посебна просторија биле пронајдени средства за врзување, метални синџири и кабли, додека персоналот во психијатриската болница Бардовци што во изминатиот период резултирало со закани и физички напади на персоналот. Во психијатриските болници има сериозен недостиг на кадар, што значи дека не можат да воспостават ред за примање терапија за пациентите, нагласува Зибери.
„При посетата на една од работните простории на персоналот, пронајдени се кожни појаси за прицврстување за кои ни беше кажано дека не се во употреба. Метален синџир за затворање на собите кога има вознемирени пациенти, додека во друга просторија е пронајден кабел долг 1 метар и персоналот немал одговор зошто е таму. Имајќи предвид дека таквите алатки може да се користат за врзување, мачење или несоодветен третман на пациентите, побаравме нивно итно отстранување, додека затворањето на просториите, доколку е потребно, треба да се врши вообичаено со поправка на бравите на вратите“, вели Насер Зибери.
Инаку, народниот правобранител Насер Зибери денеска го презентираше извештајот на „Националниот превентивен механизам“ за состојбите во затворите и психијатриските болници во 2022 година и воедно апелираше до институциите да постапат во оваа насока.